घरासमोरील अंगणातून चोरून नेलेल्या मोटारसायकल चा तिरोडा पोलिसांनी लावला छळा. कोयलारी येथील आरोपी चोरास पोलिसांनी केली अटक

महेंद्र नंदागवळी
मुख्य पत्रकार (ऑल इंडिया.)

तिरोडा :- तिरोडा येथील नेहरुवार्ड मधील रहिवासी रवि तंटू बडवाईक वय 40 वर्ष यांच्या घरी लग्नसमारंभ असल्याने त्यांनी घरासमोर उभी ठेवलेली त्यांच्या स्वतःच्या मालकीची हिरो होंडा स्प्लेंडर प्लस मोटारसायकल क्रमांक MH-35-T-0636 अंदाजे 30,000/- रुपये किंमतीची ही मोटारसायकल कोणीतरी चोरून नेल्याची तक्रार गाडी मालक रवि बडवाईक यांनी तिरोडा पोलीस स्टेशन ला दिली व त्यानुसार अप.क्र/420/2022 कलम 379 अन्वये गुन्हा दाखल करण्यात आला होता.

मोटारसायकल चोराला पकडण्यासाठी तिरोडा पोलीस स्टेशन चे पोलीस निरीक्षक दिनेश तायडे यांच्या मार्गदर्शनात टिम तयार करून मोटारसायकल चोरी करणाऱ्या टोळीची गोपनीय माहिती काढून माहितीच्या आधारे तपास सुरू करण्यात आला. व दिनांक 04/10/2022 रोजी आरोपी शैलेश मनोहर हटवार वय 27 वर्षे रा. कोयलारी ता. तिरोडा याला ताब्यात घेऊन कसून चौकशी करण्यात आली. आरोपी शैलेश हटवार याने चौकशी दरम्यान मोटार सायकल चोरी केल्याचे कबुल केले.

आरोपीने चोरी केलेली मोटार सायकल स्वतःच्या घरच्या मागील वाडीत पिवळी ताळपत्री झाकून लपून ठेवलेली होती, सदर मोटार सायकल ताब्यात घेऊन आरोपीस दिनांक 04/10/2022 ला सायंकाळी 6:44 वाजता अटक करण्यात आली असून पुढील तपास ना.पो.शी. श्रीराम टेंभरे करीत आहेत.