दैवी चमत्काराचा दावा करणारा चिरेखनी येथिल ढोंगी फरीद बाबाचा अंधश्रद्धा निर्मूलन समितीने केला भांडाफोड ढोंगी बाबा ला केले पोलिसांच्या स्वाधीन गुन्हा दाखल 

दैवी चमत्काराचा दावा करणारा चिरेखनी येथिल ढोंगी फरीद बाबाचा अंधश्रद्धा निर्मूलन समितीने केला भांडाफोड, ढोंगी बाबा ला केले पोलिसांच्या स्वाधीन, गुन्हा दाखल

राकेश बोरकर

तालुका प्रतिनिधी तिरोडा

तिरोडा :- तिरोडा पोलीस स्टेशन जिल्हा गोंदिया अंतर्गत येत असलेल्या ग्राम चिरेखणी येथील संजय साठवणे हा स्वतःच्या अंगात फरीद बाबा आल्याचे भासवून रोगमुक्त करण्यासाठी तंत्र मंत्र करून राख लिंबू देत होता व पैसे घेत होता. तसेच कोणी कोणाला भूतबाधा लावले आहे करणी केली आहे.ते सांगत होता. तसेच कोणाला मूलबाळ होत नसतील त्याला मूल करून देण्यासाठी विधी सांगत होता की नवरा बायकोने एका ताटात जेवायचे त्यात राख टाकून खायचे मग मूल बाळ नक्की होईल अशी हमी देत होता. तसेच अशा कृत्यांमुळे समाजात गावात अंधश्रद्धा पसरवत आहे त्यामुळे वाद वाढण्याची शक्यता आहे. अशी तक्रार महाराष्ट्र अंधश्रद्धा निर्मूलन समिती जिल्हा शाखा भंडारा कडे प्राप्त झाली त्यानुसार महाराष्ट्र अंधश्रद्धा निर्मूलन समितीचे कार्यकर्ता दशरथ शहारे, नितेश बोरकर, यांना बाबाच्या दरबारात पाठविण्यात आले त्यावेळी फरिद बाबाने दशरथ शहारे यांना सांगितले की तुझ्या घरी खूप जुनी देवता आहे ती तुला सतावते तिला बांधण्यासाठी तुला पुन्हा इथे यावे लागेल .ही राख खा तू हमखास बरा होशील .असा दावा केला. नाही तर तुझ्या बरा वाईट होणार अशी धमकी दिली तंत्र मंत्र करून राख दिली घराभोवती मोवरया व मीठ टाकण्यास सांगितले. व दिनांक 25.5.2023 ला दरबारात येण्यास सांगितले त्यामुळे महाराष्ट्र अंधश्रद्धा निर्मूलन समिती बुवाबाजी संघर्ष विभाग राज्य सहकार्य वाह विष्णुदास लोणारे प्रकाश नाकतोडे, चंद्रशेखर भिवगडे, पुरुषोत्तम गायधने, यांनी तिरोडा पोलीस स्टेशन येथे तक्रार नोंदवून. चिरेखणी येथील ढोंगी बाबाच्या दरबारात पोलिसा समक्ष भेट दिली तेव्हा दरबारात वीस ते पंचवीस खेड्यापाड्यातील महिला व पुरुष उपस्थित होत्या. त्यावेळी पुन्हा दशरथ शहारे यांनी बाबाला सांगितले की माझा पोट दुखतो छाती दुखतो मळमळ वाटते चक्कर येतो तेव्हा बाबा ने तंत्र मंत्र केला व दोन लिंबू दिले बाबा जोरा जोराने भीती वाटेल असा ओरडू लागला व मला घर बांधावे लागेल तेव्हाच तुझ्या घरची कुसराई देवता तुला सतावणार नाही. असे सांगितले. त्याचवेळी विष्णुदास लोणारे यांनी बाबाला विचारले की बाबा माझे नाव काय आणि मी कोण आहे आणि कुठून आलो आहे. बाबांनी उत्तर न देताच माझ्या अंगात काहीच येत नाही असे म्हटले व बाबाच्या अंगातला फरिद बाबा अंधश्रद्धा निर्मूलन समितीचा नाव घेताच गायब झाला. यानंतर लोकांना फसवणार नाही झगडे लढणार नाही असे सांगितले त्यावेळी पोलीस निरीक्षक देविदास कठाळे पोलीस हवालदार नितेश बावणे चेतन भैसारे, निलेश ठाकरे, महिला पोलिस भूमेश्वरी वराडे, यांनी महाराष्ट्र नरबळी आणि इतर अमानुष अनिष्ट अघोरी प्रथा व जादूटोणा उच्चाटन कायदा 2013 चे कलम 3, दोन नुसार ढोंगी बाबा संजय साठवणे यांच्या विरुद्ध गुन्हा दाखल करून कारवाई केली आहे.

Advertising Space