लक्ष्मीनारायण विद्यालयात वृक्षारोपणसप्ताह साजरा

आशिष सिंगनजुडे

तालुका प्रतिनिधी साकोली

वन महोत्सव सप्ताहाचे औचित्य साधून लक्ष्मीनारायण हायस्कूल सेंदुरवाफा आणि वृक्ष मित्र मंडळ जमनापूर काॅलनी यांच्या संयुक्त विद्यमाने वृक्षारोपण उपक्रम राबविण्यात आला त्यावेळी अध्यक्षस्थानी विद्यालयाच्या मुख्याध्यापिका सौ. स्मिता कटरे मॅडम, तंत्रस्नेही गणित शिक्षिका सौ. भारती ठाकूर मॅडम, सौ. तिलोत्तमा नन्नावरे मॅडम उपस्थित होते, प्रमुख अतिथी म्हणून किसान दंत मंजनचे उद्योजक प्रविणभाई पटेल, से. नि. टेलीकाॅम टेक्निशियन नागवंशी, से.नि. आदिवासी विकास महामंडळचे मार्केटिंग निरिक्षक घोरमारे, से.नि. मुख्याध्यापक विजय लांजेवार तसेच वृक्ष मित्र मंडळ जमनापूर काॅलनी चे अध्यक्ष प्रल्हादभाऊ पटले सर , आशिष सिंगनजुडे तालुका प्रतिनिधी, जनता टाइम्स उपस्थित होते वृक्षसंवर्धन आणि वृक्षारोपणाबद्दल लोकांना अधिक जागरूक करणे हा सप्ताहाचा उद्देश असल्याचे मुख्याध्यापिका कटरे यांनी सांगितले, सर्व नागरिकांनी वृक्षारोपण करुन वृक्षांचे जतन करावे असे आव्हाहनही या माध्यमातून करण्यात आले.