घरकुल लाभार्थ्यांना जप्तीच्या रेती साठ्यातून 5 ब्रास मोफत रेती द्या, प्रहार जिल्हाध्यक्षाची कलेक्टर कडे मागणी

घरकुल लाभार्थ्यांना जप्तीच्या रेती साठ्यातून 5 ब्रास मोफत रेती द्या, प्रहार जिल्हाध्यक्षाची कलेक्टर कडे मागणी.

महायुती सरकारने केली जनतेची फसवणूक घरकुलाचे दर वाढवण्या ऐवजी शासनाने केले दहा हजाराने कमी, महेंद्र भांडारकर यांचा आरोप.

महेंद्र नंदागवळी

मुख्य पत्रकार (ऑल इंडिया.)

गोंदिया :- मोदी आवास, रमाई आवास, शबरी आवास, प्रधानमंत्री आवास योजने अंतर्गत घरकुल लाभार्थ्यांना घर बांधण्यासाठी केंद्र व राज्य शासन योजनेच्या माध्यमातून नागरिकांना घरकुलाचा लाभ देण्यात येतो. महागाईचे, घर बांधकामचे साहित्याचे दर उंचीचे शिखर गाठत असताना शासनाने अनुदान वाढवन्या ऐवजी उलट दहा (10,000/-) रुपये कमी केले.

अश्यातच लाभार्थ्यांना रेतीचे घाट लिलाव नसल्याने, रेतीचे डेपो नसल्याने घरकुलाचे रेती मिळत नाही त्यामुळे घर बांधकाम रखडले आहेत. निधीही शासन वेळेवर लाभार्थ्यांना देत नाही.

गोंदिया जिल्ह्यात रेतीचे घाट आहेत पर्यावरनाची मंजुरी असलेल्या रेती घाटातून रेती किंवा अवैध पणे असलेल्या रेतीची महसूल विभागाने केलेल्या जप्तीच्या साठ्यातून घरकुल लाभार्थ्यांना 5 ब्रास मोफत रेती उपलब्ध करुन देण्यात यावी अशी मागणी प्रहारचे जिल्हाध्यक्ष महेंद्र भांडारकर यांनी निवेदनाद्वारे जिल्हाधिकारी व जिल्हाखनिकर्म अधिकारी गोंदिया यांना केली आहे.

महायुती सरकारने घरकुलाचे अनुदान वाढविण्यासाठी सकारात्मक असल्याचे ढोंग केले सरकार स्थापन झाली मात्र अनुदान वाढविण्याऐवजी कमी करण्यात आले विकासाच्या नावावर गोर गरीब जनतेची फसवणूक होत आहे. असा आरोपही प्रहारचे जिल्हाध्यक्ष भांडारकर यांनी केला आहे.

यापूर्वीही प्रहारने गोंदिया जिल्ह्यातील घरकुल लाभार्थ्यांना 5 ब्रास मोफत रेती मिळवून दिली. आता त्याच धर्तीवर घरकुल लाभार्थ्यांना मोफत रेती घाट सुरु करुन देण्यात यावे किंवा जिल्ह्यातील जप्त केलेल्या रेती साठ्यातून तात्काळ मोफत रेती देण्यात यावी अशी मागणी प्रहारने केली आहे.

Advertising Space